Sut ydym ni'n rhoi mantais naturiol i chi?
Rydym yn dilyn dull tair cam: Asesu, Ymrwymo, Gwella.
Asesu
Fel eich ymgynghorydd amgylcheddol, rydym yn archwilio eich effaith bresennol drwy ddod i adnabod eich tîm a’ch cwmni cyfan. Nid archwiliad cyflym yw hwn. Rydym yn cynnal cyfweliadau staff, ymweliadau safle, ac adolygiadau dogfennau i gael dealltwriaeth dwfn o sut rydych chi’n gweithredu.
Bydd arolwg staff hefyd yn cael ei anfon at yr holl staff. Mae hyn yn rhoi cyfle i ni glywed yn uniongyrchol gan eich tîm am yr hyn sy’n gweithio a’r hyn y maent yn credu y gellid ei wella. Mae cwblhau’r arolwg hwn yn galluogi eich tîm i deimlo’n rhan o’r broses wrth osod meincnod ar gyfer asesiadau dyfodol.
Unwaith y byddwn wedi cwblhau’r ymchwil gefndirol, byddwn yn cyflwyno’r canfyddiadau i’ch tîm cyfan mewn modd treuliadwy a thryloyw. Ein nod yw grymuso’ch cwmni cyfan i weithredu’n fwy cynaliadwy.
Ymrwymo
Rydym yn creu eich dogfen polisi amgylcheddol ac yn gosod amcanion ac amserlenni clir. Yn ystod y cam hwn, rydym yn datblygu cynnwys eich gwefan a’ch negeseuon craidd ar gyfer cyfathrebu mewnol ac allanol. Trwy’r negeseuon hyn, rydym yn dangos eich ymrwymiad amgylcheddol i’ch tîm a’ch cwsmeriaid.
Gwella
Rydym yn darparu cynnig gweithredu manwl ar gyfer y dyfodol sy’n amlinellu’n union sut i gyflawni eich amcanion amgylcheddol. Gallwch naill ai weithredu’r argymhellion hyn yn fewnol neu barhau i weithio gyda ni trwy gefnogaeth barhaus hyblyg wedi’i theilwra i’ch anghenion.
Rhoi eich ymrwymiad mewn geiriau
Ar ôl i ni gwblhau eich archwiliad a chasglu mewnwelediadau gan eich tîm, byddwn yn defnyddio ein harbenigedd i ysgrifennu eich polisi amgylcheddol personol a’ch tudalen we gefnogol.
Credwn y dylai’r cynnwys ysgrifenedig sy’n dangos eich ymrwymiad amgylcheddol fod yn gyson â neges eich brand a’r gwerthoedd sy’n bwysig i chi—nid dim ond datganiad generig. Rydym yn sicrhau bod eich neges amgylcheddol yn gyson â sut rydych chi’n siarad â’ch cwsmeriaid, cyflenwyr a thîm.
Mae cadw’ch tôn yn gyson yn bwysig gan ei fod yn sicrhau bod eich mentrau’n cael effaith yn fewnol ac mae hefyd yn eich helpu i greu cysylltiadau ystyrlon yn allanol.
Pam rydyn ni'n gwneud yr hyn rydyn ni'n ei wneud
Rydym yn gwneud hyn er lles y blaned. Mae ein cefndir mewn cadwraeth, a’n hangerdd yw newid ymddygiadau a gweithredoedd fel y gallwn wella’r byd o’n cwmpas—i ni ein hunain ac i genedlaethau’r dyfodol.
Fel ymgynghorwyr amgylcheddol, rydym eisiau weld ein datrysiadau’n gwneud gwahaniaeth yn eich swyddfa, warws neu safle. Rydym eisiau gweld eich staff yn frwdfrydig am ymrwymiadau amgylcheddol newydd eich busnes. Ac yn sylfaenol, rydym eisiau i’n gwaith gyfrannu at rywbeth llawer mwy na ni ein hunain.
Er na allwn ddatrys newid hinsawdd na llygredd plastig yn ein cefnforoedd dros nos, rydym yn credu’n gryf fod ein gweithredoedd yn bwysig—gall y newidiadau a wnawn gael effaith, ac maent yn gwneud hynny. Byddem wrth ein bodd pe baech yn rhannu’r gweledigaeth yna hefo ni.
